كيفية المحافظة على الفتيس الاتوماتيك

الناس اللى بتسوق الاوتوماتيك لازم تعرف شوية حاجات
الكلام ده للناس اللى مش عارفه
أول حاجة الرموز الأساسية اللى بنشوفها فى الفتيس
الـ P يعنى Park : بتوقف بيه العربية
الـ R يعنى Reverse : بيخلى العربية ترجع وراء (مارشدير)
الـ N يعنى Neutral : وضع التموير ( الموور )
الـ D يعنى Drive : وضع السواقة او المشى بالعربية
١- لازم تبقى عارف أن العربية فى الاوتو مش هتدور
على الـ D ولا هتدور على الـ R لإن بإختصار ال D و ال R بيفصلوا كهربة عن المارش تماما و مش هيخلى العربية تدور نهائى
٢- و أنت واقف فى الإشارة هات الـ N اللى هو المور عشان تريح تروس الفتيس و متلفش على الفاضى و تبقى العربية عايزة تطلع و انت ماسكها فرامل
٣- و أنت بتجيب الـ D أو الـ R خلى رجلك على الفرامل لانك لو جبت حاجة من غير فرامل هتلاقى العربية مشيت من غير ما تدوس بنزين لان التروس اتحركت و حركت العربية معاها .
٤- إوعى تنقل من نقلة لنقلة و العربية ماشية حتى لو ماشية على سرعة 5 كم يعنى مينفعش مثلاً و انت بتطلع من ركنة و جايب ال D و العربية لسه بالراحة أوي اهى و بتطلع من الركنة تروح جايب ال R عشان تعدل نفسك و تطلع
لا انت كده بتدمر تروس الفتيس مع الوقت لازم العربية تقف
و تروح جاى ناقل من الـ D و الـ R و العكس
٥- نيجى بقى للأوضاع التانية هى الـ L و الـ 2 و الـ 3
الـ L هو الغيار الاولانى و ده الناس بتستخدمه فى المطالع الجامدة لإنه بيدى عزم شديد على سرعة قليلة بس خد بالك مينفعش تكون ماشى 60 ولا 80 و تروح جايب الـ L هتكسر الفتيس كده اخرك 30 بالكتير تجيب الـ L عليها
الـ 2 الغيار التانى والأول مع بعض بيسمح للعربية تننقل بينهم
الـ 3 الغيار الأول والتانى والتالت فقط مش بتنقل للرابع
ممكن عادى و انت ماشى على الـ L او ال 2 او ال 3 تجيب ال D مرة واحدة عادي لانه شغال على جميع النقلات في أي وقت عادي.
٦- لو عايز تحافظ على فتيس عربيتك و انت بتركن او بتقف بالعربية إوعى تجيب ال P مرة واحدة و متشدش الهاند
او تجيب ال P و تشد الهاند بعدها
* الوقفة الصح بالفتيس الأوتوماتيك :
تدوس فرامل و تجيب الـ N و ترفع الهاند و تجيب ال P
الخطوات من الشمال لليمين
N - > Hand Break - > P
بكده حملت على الهاند بريك و اللى وظيفتها توقف العربية
لكن لما بتجيب ال P و بعد كده الهاند انت كدة حملت العربية كلها بالمكنة بكله على ترس الفتيس و مع الوقت بيتاكل و يتكسر و ترجع تقول ليه انا كنت محافظ على العربية.
وربنا يسترها معانا جميعا.

بقلم ايهاب العسقلانى

السلام عليكم مدون عربي مصرى مهتم بأشياء كثيرة لا يسعني ذكرها هنا لكن من بين هذه الأشياء اعشق التدوين وأهتم بجديد التقنية في مختلف المجالات و البحث في كل جديد خاص بها . وأتمنى أن تستمتع بما أقدمه لك هنا.شرف لى معرفتكم يمكنكم الإنضمام. إلي عبر الفيس بوك - وتويتر - وعلى قناتي في اليوتيوب - و+ جوحل - والواتس اب . مع خالص تقديرى وشكرى لكم ....... وتواصلو معى عبر: بريدك الإلكتروني ليصلك كل جديد بالمدونه ومتابعتنا بكل سهوله ....... ولا تنسي تفعيل الاشتراك من خلال صندوف البريد الوارد .